Қазақстан футбол федерациясының Техникалық орталығы спорт менеджерлерін қайта дайындау иннновациялық бағдарламасы бойынша дәріс жүргізеді

13 тамыз 2018, 15:20

Қазақстан футбол федерациясының Техникалық орталығы әл-Фараби атындағы Қазақ Ұлттық университетімен бірігіп, үш модульден тұратын «Спорт менеджменті» курсы бойынша дәріс береді.

Студенттерге арналған дәріс Алматы қаласындағы әл-Фараби атындағы Қазақ Ұлттық университетінде келесі кесте бойынша жүргізіледі:

1 модуль – 20-22 қыркүйек 2018 жыл.

2 модуль – 18-20 қазан 2018 жыл.

3 модуль – 6-8 желтоқсан 2018 жыл.

Спикерлер қатарында «Синергия» МФПУ спорт менеджементі орталығының директоры Валерий Гореликов, «Локомотив» (Мәскеу, Ресей) футбол клубының атқарушы директоры Алексей Киричек, FIFA жетекші менеджері және ӘЧ-2018 ұйымдастырушысы Илья Слуцкин, УЕФА кеңесшісі Николай Воробьев, «Динамо» (Киев, Украина) футбол клубының инфрақұрылым жобаларының жетекшісі Андрей Пантюхов бар.

Дәріс аяқталғаннан кейін тыңдаушыларға Қазақстан футбол федерациясы мен әл-Фараби атындағы Қазақ Ұлттық университетінің сертификаты беріледі.

Премьер-Лига және Бірінші Лига клубтарының жетекшілер құрамы арасында тыңдаушыларды қабылдау жоспарланып отыр. Құжаттар 2018 жылдың 13-25 тамыз аралығында қабылданады.

Анықтама телефоны: 8 (701) 508-70-74.

«Спорт менеджменті» мамандығы бойынша арнайы курсқа түсу құжаттарының тізімі мен өтінішті Техникалық орталықтың құжаттар бөлімінен жүктеп алуға болады.