Михал Билек: «Орталық қорғаушылардың көбі ойнамады»

Михал Билек: «Орталық қорғаушылардың көбі ойнамады»

25 наурыз, 00:39
Қазақстан құрамасының бас бапкер Михал Билек матчтан кейін баспасөз мәслихатына қатысты.

- Қарсылас бүгін жеңіске лайық болды. Ресей футболшылары ойында басымдық танытты. Біздің жіберген қателіктерден гол соқты. Бүгін олардың ойыны жүрді.

- Есеп 3:0 болғанда шабуылшының орнына шабуылшыны шығардыңыз. Қорғаушыны ауыстыруға да болатын еді. Неліктен?

- Шотландиямен ойындағыдай екі шабуылшымен ойнадық. Қапталдағы ойыншылардың шабуылға араласып, шабуылды жалғастырғанын қаладық. Бүгін жолымыз болмады.

- Орталық алаңда мәселе көп болды. Тәжірибелі ойыншыларға неге таңдау түспеді?

- Жуковтың да, Перцухтің де мүмкіндігін жақсы білеміз. Орталық қорғаушылардың көбі ойнамады. Жуковтың ертерек шыққанын қаладық. Алайда, төртінші голдан кейін ойынды өзгерту қиын болды.

- Шотландия және Ресеймен ойын екі түрлі болды. Қарсыластардың деңгейінде айырмашылық бар ма?

- Көптеген футболшылар өз клубтарында ойнамайды. Қатеден сабақ шығарып, сараптау қажет. Екі ойынның арасында үш күн үзіліс болды. Біздің футболшылардың өз клубтарында тұрақты ойнағанын қалаймын. Көбінің денсаулығы сыр берді.

- Алексей Щеткин мен Темірлан Ерлановтың жағдай қалай?

- Алексей оқу-жаттығу жиынына жақсы дайындықпен келді. Шотландиямен ойынның алдында жарақат алды. Кеше қайта жаттыға бастады. Бүгін арқасы ауырды. Темірлан ойнағысы келді. Алайда, оның денсаулығын сақтағанды жөн деп шештік.

Бөлісу

Жаңалықтар

Жоғары