ШҚО-ның футбол бапкерлеріне емтихан алдында семинарлар ұйымдастырылды

«Восток» стадионында ШҚО футбол бапкерлерін оқытудың соңғы кезеңі аяқталды.

Өскемен қаласында футболдан Шығыс Қазақстан облысындағы балалар бапкерлеріне арналған оқыту сабақтары аяқталды.

Көктемнен бастап ШҚО-ның балалар бапкерлері «Восток» стадионындағы «Алтай» академиясының базасында теориялық және практикалық сабақтарға қатысты. Қазақстан футбол федерациясының техникалық директоры Николай Роздобудько қатысушыларға лекция оқып, түрлі видеоматериалдар ұсынды.

1 қараша күні облыстың бапкерлері «Восток» стадионына қайта жиналды. Онда оларға «Ойын алдындағы жаттығулар мен допты адымдап жүргізу» тақырыбында теориялық семинар ұйымдастырылды. Ал бүгін «Восток» стадионының алаңында «Алтай-2005» командасының қатысуымен «Позициялық ойындар» тақырыбында практикалық семинар өтті.

 

Дереккөз: VKsport.kz