Қазақстан жастар құрамасы Анталияда жиын өткізеді

Жастар құрамасының жиыны ақпанның 20-на дейін созылады.

Қазақстан жастар құрамасы 8 ақпан күні Талғарда (Алматы облысы) оқу-жаттығу жиынын бастайды. Осы жиынға елімізде жаттығып жүрген ойыншылар қатысады. Ал 9 ақпанда Талғат Байсуфинов шәкірттері Түркияның Анталиясына аттанып, ойыншылардың негізгі тобына қосылады.

Жерорта теңізінің жағалауында ақпанның 20-сына дейін болатын жастар командасы жиын барасында екі жолдастық кездесу өткізеді. Ойындар 15 және 19 ақпан күндеріне жоспарланған. Қарсыластар алдағы уақытта белгілі болады.

Назарларыңызға оқу-жаттығу жиынына шақырылған футболшылардың тізімін ұсынамыз:

Қақпашылар: Игорь Трофимец («Ақтөбе»), Дмитрий Колбунцов («Жетісу»), Тимур Закиров («Қызыл-Жар СК»);

Қорғаушылар: Бекзат Шадманов («Тараз»), Дәурен Мажитов («Атырау»), Карам Сұлтанов («Қызыл-Жар СК»), Сағадат Тұрсынбай («Ордабасы»), Сұлтан Әбілғазы («Тобыл»), Руслан Әлімбаев («Шахтер»), Айбол Жақаев («Қайсар»), Қуаныш Қалмұратов («Атырау»), Рауан Орынбасар, Санжар Батырханов (екеуі - «Жетісу»), Елжас Сарбай («Байқоңыр»), Ескендір Қыбырай («Қайрат»);

Жартылай қорғаушылар: Демият Сләмбеков («Жетісу»), Самат Шәмші («Ордабасы»), Ринат Жұматов, Наурызбек Жагоров (екеуі– «Атырау»), Иван Антипов («Ақжайық»), Әділет Әбдінәби («Тараз»), Геворг Наджарян («Шахтер»);

Шабуылшылар:  Ерасыл Сейітханов («Байқоңыр»), Самат Сәрсенов («Қайрат»), Максим Федин («Тобыл»), Оралхан Өміртаев («Шахтер»);

Бабкерлер құрамы: аға жаттықтырушы - Талғат Байсуфинов, аға жаттықтырушының көмекшісі - Алмас Құлшынбаев, аға жаттықтырушының көмекшісі - Марат Еслямов, қақпашылар жаттықтырушысы - Николай Родионов, ғылыми-методикалық жұмыс бойынша жаттықтырушы - Павел Черепанов, дәрігер - Ахмадхон Искандаров, массажист - Евгений Карнаухов, сарапшы - Евгений Шевелев, сарапшы - Тимур Құсайынов, менеджер - Александр Брейткрейц.