Футболдан Премьер-лиганың 22-тур матчтарындағы жекелеген ойын эпизодтарына түсіндірме

19 тамыз 2026, 16:00

ҚФФ Төрешілік және қадағалау департаментінің директоры Нуну Алешандре Паррейра де Каштру Ойын ережелеріне сәйкес 2026 жылғы Премьер-лиганың 22-туры матчтарындағы кейбір ойын сәттеріне түсіндірме берді.

«Каспий» - «Елімай»

6-минут. Бірінші эпизодта айып алаңындағы жағдай қарастырылады. Шабуыл кезінде қорғаушы мен шабуылшы допқа таласады. Жекпе-жек барысында ойыншылар арасында физикалық байланыс болады, алайда олардың ешқайсысы доппен ойнамайды.

Қақпа артындағы камерадан көрсетілген қайталауда қорғаушының қолын шабуылшының иығына қойғаны көрінеді. Дегенмен бұл әрекетте айқын итеру немесе ұстап қалу жоқ.

Мұндай жағдайларда байланыс жеңіл сипатта болса, пенальти белгілеуге жеткілікті негіз болмайды.

Қорытынды: пенальти қате тағайындалды. Дұрыс шешім ойынды жалғастыру еді.

«Каспий» - «Елімай»

32-минут. Екінші эпизодта айып алаңындағы тағы бір жағдай қарастырылады. Шабуылшы қарсыластың айып алаңында жүріп пас беруге тырысады. Оның алдында №14 қорғаушы орналасқан.

Қайталаудан доп тиген сәтте қорғаушының қолы денесіне жақын тұрғаны көрінеді. Сонымен қатар ойыншы қолын денесінің артына жинауға тырысады және дене аумағын табиғи емес түрде үлкейтпейді.

Қорытынды: қолмен ойнау бойынша ереже бұзу болған жоқ. Ойынды жалғастыру туралы шешім дұрыс болды.

«Ордабасы» - «Алтай»

85-минут. Үшінші эпизодта айып алаңындағы жағдай қарастырылады. Доп берілгеннен кейін бірнеше ойыншы әуедегі допқа таласады. Қайталаудан №88 қорғаушының алдында тұрған шабуылшының позиция алуға тырысқаны көрінеді.

Бұл сәтте №88 қорғаушы тек өз позициясын сақтап тұрған жоқ, екі қолымен алға қарай айқын қимыл жасап, қарсыласын итереді.

Қорытынды: пенальти дұрыс тағайындалды.

«Ертіс» - «Тобыл»

67-минут. Қорытынды эпизодта ойыншыны қате анықтауға байланысты жағдай қарастырылады. Шабуыл кезінде №25 қорғаушы қарсыласына қарсы сырғанай ойнайды. Алайда төреші ереже бұзған ойыншыны қате анықтап, №22 ойыншыға сары қағаз көрсетеді.

VAR эпизодты тексергеннен кейін төрешіге ереже бұзған нақты ойыншы туралы дұрыс ақпарат береді. Судья №22 ойыншыға көрсетілген сары қағазды жойып, ескертуді №25 ойыншыға көрсетеді.

№25 ойыншы бұған дейін осы матчта сары қағаз алғандықтан, ол екінші ескерту үшін алаңнан орынды түрде қуылды. Қайталаудан ереже бұзуды дәл №25 ойыншы жасағаны анық көрінеді.

Қорытынды: ескерту №25 ойыншыға дұрыс ауыстырылды, екінші сары қағаз үшін ойыннан шығару негізді болды.