Атырау мен Ақтауда «Болашақ чемпиондары» жобасы аясында ҚФФ әдістемелік сапарлары өтті

16-22 тамыз аралығында ҚФФ Элиталық жасөспірімдер футболы және таланттарды идентификациялау департаментінің бапкер-оқытушысы Игорь Шпанера жұмыс сапарымен Ақтау мен Атырауда болды.

«Каспий» және «Атырау» футбол орталықтарына сапар барысында басты назар 2014–2015 жылдары туған тәрбиеленушілерді даярлау жүйесіне аударылды. ҚФФ өкілі QJ League жасөспірімдер лигасының матчтарын бағалап, іріктеу-қарау сабақтарын өткізді және бапкерлерге «Батыр Жолы» тұжырымдамасын таныстырды.

Практикалық семинарларда жергілікті мамандармен бірге келешегі бар ойыншыларды анықтау әдістемесі пысықталды, ал футбол орталықтарының басшылығымен кадрлық мәселелер, инфрақұрылым және 2027 жылға дейінгі даму жоспарлары талқыланды.

Осы көшпелі кезең аясында «Болашақ чемпиондары» бағдарламасы Астанадағы «Alaman» және «El Clasico» елордалық академияларын да қамтиды, одан кейін әдістемелік жұмыс Семейде «Елімай» футбол клубының базасында жалғасады.