Бірінші және Екінші лига матчтарының кезекті апталық талдауы өтті

Іс-шараның негізгі мақсаты - төрешілер құрамының біліктілігін арттыру және төрешілер бригадаларының жұмысына баға беруде бірыңғай тәсілді қалыптастыру.

Кездесу барысында өткен турлардағы матчтардан алынған ойын эпизодтары жан-жақты талданып, төрешілердің негізгі шешімдері мен әрекеттері талқыланды. Сондай-ақ қатысушыларға алдағы жұмыс бойынша тиісті ұсыныстар берілді.

Талдау барысында ойын эпизодтарын бірізді түсіндіруге, төрешілер арасындағы өзара іс-қимыл сапасына және шешім қабылдаудағы жүйелілікті арттыруға ерекше көңіл бөлінді.

Мұндай талдауларды өткізу ҚФФ Төрешілік департаментінің төрешілерді, нұсқаушылар мен инспекторларды дамытуға, сондай-ақ кәсіби жарыстардағы төрешілік сапасын арттыруға бағытталған жүйелі жұмысының бір бөлігі.