Қазақстан футбол федерациясы «Астананы» құттықтайды!

21 қыркүйек 2018, 01:06

Қазақстан футбол федерациясының жетекшілігі Еуропа Лигасының топтық кезеңін табысты бастаған «Астана» футбол клубын құттықтайды! Григорий Бабаян шәкірттері сырт алаңда Киевтің «Динамо» командасымен 2:2 есебімен тең ойнады.

«Динамо» - Шығыс Еуропаның ең табысты клубтарының бірі. Алайда, қарсыластың атақ-даңқына қарамастан Қазақстан чемпионы оң нәтижеге қол жеткізді. Тең ойын турнирдің плей-офф кезеңінің жолдамасы үшін күресуге мүмкіндік береді. Топтық кезеңнің қалған бес ойынында да «Астана» командасы лайықты ойын көрсететініне сенім мол.

«Астана» футбол клубына халықаралық аренада сәттілік тілейміз! Алға, Қазақстан!