Сан-Маринодан үш ұпай алдық

Сан-Маринодан үш ұпай алдық

17 қараша 2019, 00:51
Қазақстан Ұлттық құрамасы сырт алаңда Сан-Марино құрамасын ұтты.

Кездесудің 6-минутында Бактиер Зайнутдинов есеп ашып, Қазақстан құрамасын алға шығарды. Бірінші таймның ортасына қарай Ғафуржан Сүйімбаев есепті еселеді. Төрт минуттан соң Алексей Щеткин үшінші голды соқты.

Екінші таймда Сан-Марино шабуылшысы Филиппо Берарди қорғаушылар мен қақпашыдан қашып, бос тұрған қақпаны дәл көздеді.

Қазақстан құрамасы сырт алаңда жеңіске жетіп, ұпай санын онға жеткізді. Іріктеу кезеңінің соңғы ойынын 19 қараша күні Глазгода Шотландиямен өткізеді.

Сан-Марино - Қазақстан - 1:3 (0:3)

Голдар: Филиппо Берарди 77 - Бактиер Зайнутдинов 6, Ғафуржан Сүйімбаев 23, Алексей Щеткин 27.

Бөлісу
Жоғары