ҚФФ футболдан Қазақстан ұлттық құрамаларының жаңа жейдесін таныстырды

Еске салсақ, өткен жылы ҚФФ мен УЕФА ұлттық құрамалардың жаңа футбол экипировкасын дайындау мен қамтамасыз ету жөніндегі келісімге келген. Келісім жаңа, қайталанбас өзіндік дизайнды жасауға мүмкіндік береді.

Барлық экипировка денсаулыққа жағымсыз әсер ететін заттарға қарсы стандарт енгізген «100 ОЕКО-ТЕХ» сертификаттауынан өткен. 

Ойын жейдесі үш түрлі – үйдегі (сары), қонақтағы (көк) және қосымша (қара). Экипировканың дизайны Қазақстандағы ең үлкен спорттық дизайн жасаушы компания – Creeeon-ның «Errea Sport» мамандарымен бірлесуі арқылы жасалды. Процесс барысында біз жанкүйерлеріміздің ойын тыңдап, ұлттық нақыштағы бейнелер мен символикаларға дауыс беруіне мүмкіндік бердік.

Қазақстан ұлттық құрамасы жаңа жейдесімен алғашқы ойындарды 2023 жылдың маусым айында Сан-Марино және Солтүстік Ирландияға қарсы өткізеді.