Хабарландыру

13 қараша 2023, 11:29

Әйелдер арасындағы УЕФА Ұлттар лигасы топтық кезеңінің Қазақстан – Израиль (23 қараша) және Израиль – Қазақстан (26 қараша) ойындары бейтарап алаңда өтеді.

Қазіргі уақытта Қазақстан футбол федерациясы УЕФА-мен бірлесіп, кездесу өтетін орнын анықтау бойынша келіссөздер жүргізіп жатыр. Ойындардың өтетін жері туралы ақпарат қосымша жарияланады.

Естеріңізге сала кетейік, Қазақстан әйелдер құрамасы алғашқы екі ойыннан кейін «С» Лигасындағы өз тобында 4 ұпай жинап, екінші орынға жайғасты. Осыған дейін Мадияр Кембілов шәкірттері сырт алаңда Эстониямен тең түсіп (0:0), Армения құрамасын 2:1 есебімен жеңген еді.