Ұлттық құрама ойыншылары допингке қарсы саясат семинарына қатысты

12 қараша 2024, 21:22

Допингті қолданудың алдын алу мақсатында UEFA Hat-Trick бағдарламасы аясында ҚФФ Қазақстан допингке қарсы орталығымен бірлесіп ұлттық құрама ойыншыларына арнайы семинар өткізді. Семинарда допинг қолданудың спортшылардың денсаулығы мен мансабына тигізетін салдары айтылды.

Семинарда футболшылар спортта қолдануға болатын және тыйым салынған дәрі-дәрмектер мен әдістердің бекітілген тізімімен танысты.

Семинарға қатысушылар спортшының денсаулығы мен мансабына допингтің тигізетін салдарынан хабардар болды. Сонымен қатар, олардың құқықтары мен міндеттеріне ерекше назар аударылды.

Айта кетейік, допингке қарсы туралы семинарлар осыған дейін Қазақстан жасөспірімдер, қыздар, футзал құрамаларының ойыншылары үшін өтті. Алда футзалдан жасөспірімдер, U19 қыздар және әйелдер құрамаларының ойыншыларымен жоспарланған.