Футзалдан Қазақстан құрамасы сырт алаңда Албанияны жеңді

14 желтоқсан 2024, 01:50

Фото: ҚФФ | Дамир Серік

Пауло Рикардо Кака жаттықтыратын футзалдан Қазақстан ұлттық құрамасы 2026 жылғы Еуропа чемпионатының іріктеу кезеңін жеңіспен бастады – 2:0.

Албания астанасы Тирана қаласында өткен ойында Қазақстан құрамасы әр таймда бір-бір голдан соғып, маңызды үш ұпайды еншіледі. Алғашқы таймда Лео жылдам есеп ашса, екінші таймда Ақжол Дәрібай есепті еселей түсті.

Қазақстан құрамасы келесі ойынын 18 желтоқсанда Алматыда Армениямен өткізеді. Балуан Шолақ атындағы спорт сарайында өтетін кездесу 19:30-да басталады. Билеттерді осы жерден алуға болады.

Албания – Қазақстан – 0:2 (0:1)

Голдар: Лео 4, Дәрібай 38

Ескерту: Тома 23 – Оразов 28

Албания: Мисини, Сельманай, А.Шкодра, Лимани, Крюэзиу – Миеку, Муча, Пиштани, Карая (к), Каца, Тома;

Бас бапкер: Эринд Ресули.

Қазақстан: Игита (к), Бақтияров, Рашит, Дуглас, Оразов – Жеткірбаев, Дәрібай, Абдуманапұлы, Лео, Есенаманов, Сағындыков, Карменов, Қайырбай;

Бас бапкер: Пауло Рикардо Кака.

Төрешілер: Марк Биркетт, Питер Нерс, Оливер Родригес-Беллинджер (барлығы – Англия)

13.12.2024. Олимпия парк, Тирана, Албания.