ҚФФ Сайлау комитетінің отырысы өтті

Отырыс қорытындысы бойынша, Сайлау комитеті Мағау Наргис Ерланқызын («Para Football League» ҚБ өкілі) сайлауға қатысудан өз еркімен бас тартуына байланысты Қазақстан футбол федерациясы президенті лауазымына үміткерлер тізімінен шығару туралы шешім қабылдады.

Осылайша, ҚФФ президенттігіне тіркелген үміткерлердің түпкілікті тізімі келесідей:

• Даумов Алтай Алмасұлы – «Алматы облысының футбол қауымдастығы» ЗТБ атынан.
• Жамантаев Ерлан Айтпайұлы – «Жеке футбол мектептері мен академияларының республикалық лигасы қауымдастығы» ЗТБ атынан.
• Қайыров Ербол Қыдырбекұлы – «Ақмола облыстық футбол қауымдастығы» ЗТБ атынан.
• Лория Давид Григорьевич – «Қарағанды облыстық футбол қауымдастығы» ЗТБ атынан.
• Омаров Марат Талғатұлы – «Астана қаласы футбол федерациясы қауымдастығы» ЗТБ атынан.

ҚФФ-ның кезектен тыс XXVII Сайлау конференциясы 2024 жылдың 20 желтоқсанында өтеді.