Мирас Тұрлыбек: «Гол соғып, жеңіске жетуге көмектескенім үшін қуаныштымын»

24 наурыз 2022, 21:07

Қазақстан жастар құрамасының шабуылшысы Мирас Тұрлыбек Қырғызстанмен өткен жолдастық ойынның нәтижесін (2:0) қорытындылады.

- Допты ұстап, ойынды толықтай бақыладық. Бүгін гол соғып, жеңіске жетуге көмектескенім үшін қуаныштымын.

- Шотландиямен ойын алдында бүгінгі жолдастық матчтың маңыздылығы қаншалықты болды?

- Алдағы ойын үшін дайындықтың маңызы зор. Келесі кездесуде пайдаға жарайтын кейбір комбинацияларды қолданып көрдік.

- Келесі қарсылас Шотландия құрамасы туралы не ойлайсың?

- Шотландиямен өтетін ойынға баса назар аударамыз. Салмақты дайындық жүргізіп, соның нәтижесін көреміз деген үміт бар. Жігіттердің барлығы жеңіске жету үшін жүз пайыз күш-жігерін салады.

- Команданың қазіргі көңіл-күйі қалай?

- Керемет көңіл-күй қалыптасқан. Бір-бірімізді жақсы түсінеміз. Бізде барлығы жақсы.