Александр Кеплин УЕФА Еуропа Лигасының «Штутгарт» – «Сельта» матчына делегат болып тағайындалды

24 қыркүйек 2025, 15:34

Қазақстан футбол федерациясы сыртқы байланыстар және өңірлік қатынастар департаментінің директоры Александр Кеплин УЕФА Еуропа Лигасының екінші іріктеу кезеңі аясындағы «Штутгарт» (Германия) пен «Сельта» (Испания) арасындағы матчқа делегат болып тағайындалды.

Ойын 26 қыркүйек күні сағат 00:00-де Штутгарт қаласындағы MHPArena стадионында өтеді.

Александр Кеплин – Қазақстан футбол федерациясының сыртқы байланыстар және өңірлік қатынастар департаментінің директоры. Ол 2018 жылдың наурыз айынан бастап УЕФА матчтарының делегаты болып келеді.

Айта кету керек, УЕФА делегаты – бұл матчтағы УЕФА-ның ресми өкілі. Ол ойын алдындағы ұйымдастыру жиындарын басқарып, ойыннан кейін баға береді және матчтың спорттық, инфрақұрылымдық және қауіпсіздік аспектілерін үйлестіру жұмысымен айналысады.