Марко Ферри: ФИФА ҚФФ-мен тығыз ынтымақтастығын жалғастырады
«ФИФА және ФИФА кеңесі бүкіл әлем бойынша футболды белсенді түрде насихаттап, дамытып келеді. Бұл мен үшін ерекше маңызға ие, өйткені Қазақстан футбол федерациясымен ынтымақтастықтың маңызын растайды. Біздің серіктестігіміз алдағы жылдары нығайып, дами беретініне сенімдімін.
ҚФФ президенті мен бас хатшысына атқарған барлық жұмыстары үшін алғыс білдіремін. Біз тек кәсіби футболды дамытумен ғана шектелмей, сонымен қатар жаппай футболды барлық деңгейде қолдауға тырысамыз.
Сондай-ақ ФИФА-ның ҚФФ-мен тығыз ынтымақтастығын жалғастыратынын атап өткім келеді. Біз ФИФА қоры арқылы ұлттық қауымдастықтарды қолдау және жастар командаларына арналған оқу-жаттығу орталықтарын құру мақсатында бірнеше маңызды жобаларды жүзеге асырдық. Алдағы уақытта бізді жаңа қызықты жобалар күтіп тұрғанына және олардың жүзеге асырылуында сіздерге қолдау көрсететінімізге сенімдімін.
Және менде бір тілек бар: жақын болашақта Қазақстан ұлттық құрамасын Әлем чемпионатында көреміз деп үміттенемін!
Күнделікті атқарып жатқан еңбектеріңіз үшін сіздерге алғыс білдіремін», – деді ФИФА өкілі.
