Студент қыздар арасындағы 2024 жылғы футзал лигасының финалдық кезеңі аяқталды

04 қараша 2024, 20:17

Астанада Қазақстан футбол федерациясының қолдауымен өткен 2024 жылғы студент қыздар арасындағы футзал лигасы аяқталды.

Финалдық кезең 28 қазан мен 3 қараша аралығында «Сайран Аренада» өтті. Алматы қаласындағы Қазақ ұлттық қыздар педагогикалық университеті финалда Астана қаласындағы Назарбаев университеті командасынан басым түсіп, турнир жеңімпазы атанды.

Қола медальді Қорқыт Ата атындағы Қызылорда университетінің құрамасы иеленді.

Жеке номинациялар:

Үздік қақпашы – Ибраева Нұрай (Қазақ ұлттық қыздар педагогикалық университеті, Алматы);

Үздік қорғаушы – Егизарян Милана (Қазақстан академиясы спорт және туризм, Алматы);

Сұрмерген – Рейм Гүлжан (Қазақ ұлттық қыздар педагогикалық университеті, Алматы);

Үздік жаттықтырушы – Сейілбеков А. (Қорқыт Ата атындағы Қызылорда университеті, Қызылорда);

Үздік ойыншы – Мадраимова Жанел (Назарбаев университеті, Астана).