Александр Венцель: Бапкерлерге білім алып, тәжірибе алмасу маңызды

04 қараша 2024, 22:27

Бапкерлер курсы бойынша УЕФА нұсқаушысы Александр Венцель Астанада өткен оқыту курсының барысы жайлы және оның маңызы туралы айтып берді.

- Қақпашы бапкерлерінің УЕФА-ның В категориясына оқып жатқан алғашқы толқыны емес. Екі топтың алғашқысы бағалау кезеңінен өтті. Біз барлық кезеңнің өту барысын қадағалаймыз.

Егер бәрі жақсы болып, ойдағыдай өтсе, келесі жылы қақпашы бапкерлеріне УЕФА-ның В санатына оқытатын бағдарламаны өткізу жоспарда бар. Сондықтан бәрі жоспар бойынша алға жылжып келеді.

Үшінші топ курстан өтіп жатыр. Бапкерлерде білім алып, тәжірибе алмасуға қызығушылық бары маңызды. Тек ерлер емес, қыздар футболындағы бапкерлердің тарапынан қызығушылық бар.

УЕФА жаңа лицензиясы пайда болған соң да бұл процесс жалғасын табады. Бір күндік емес, ұзақ мерзімі жоба болғандықтан нәтижесін кейін көреміз.

Біздің мақсат тыңдаушылар бірге талқылау үшін футбол проблемасын тауып беру. Біреуінің білімі көп, екіншісі бұл салада тәжірибесі бар болғандықтан олар өзара тәжірибе алмасады.

Әркімнің өзіндік ойы, футболға көзқарасы болу керек. Әркім қақпашыны әр түрлі көреді. Біреуі жекпе-жекте, екіншісі әуеде мықты болуы мүмкін.

Курсты жазда да, қыста да өткізуге жағдай жасалған. Мен үшін курсқа нағыз бапкерлер, ойыншылар келгені маңызды. Бұған дейін жаттығулар белсенді болмайтын. Өйткені жасы келген бапкерлер жастар секілді жаттығуды белсенді өткізе алмайтын. Сондықтан ұйымдастыру тұрғысынан алып қарағанда ҚФФ жас бапкерлерді шақыруға үлгеріп жатыр, - деді Александр Венцель.