Жаңа жыл құтты болсын!

31 желтоқсан 2025, 20:00

2024 - отандық футбол үшін маңызды да ерекше жыл болды. Елімізде футболды дамыту жолында үлкен қадамдар жасалып, футболшылар, бапкерлер, ардагерлер, жанкүйерлер және мамандардың арқасында Қазақстан футболы алға қарай сенімді түрде қадам басып келеді.

Өтіп бара жатқан жыл есте қаларлық оқиғаларға, әсерлі ойындар мен маңызды жетістіктерге толы болды. Біздің клубтар халықаралық аренада тамаша ойын көрсетіп, ұлттық құрамамыз да жанкүйерлерін қуантуға тырысты. 2024 жылы балалар мен жасөспірімдер футболына назар аударып, әйелдер футболы мен бұқаралық спортқа ерекше көңіл бөлдік. Елдің түкпір-түкпірінде инфрақұрылымдық жобалар іске асып, жаңа турнирлер мен бастамалар мыңдаған жасөспірім ұлдар мен қыздарға футбол әлеміне алғашқы қадам жасауға мүмкіндік берді.

Келе жатқан 2025 жыл жеңістер мен жетістіктерге толы болсын. Өз кезегінде ҚФФ инфрақұрылымды жақсартуды жалғастырып, отандық футболға қызмет ететін білікті мамандарды дайындауға атсалысамыз.

Құрметті жанкүйерлер! Әрқайсыңыз жеңістеріміздің куәсі әрі бір бөлігісіздер! Сіздердің қолдауыңыз бен футболға деген сүйіспеншілігіңіз бізді жаңа белестерді бағындыруға жетелейді!

Баршаңызды келе жатқан 2025 жылмен шын жүректен құттықтаймыз! Бұл жыл сіздерге бақыт, зор денсаулық, амандық және қуанышты сәттер әкелсін.

Құрметпен, Қазақстан футбол федерациясы