Қазақстан U-21 – Молдова U-21 матчына аккредитация алу туралы

07 қараша 2025, 10:32

Фото: ФК Кайрат

Қазақстан футбол федерациясының баспасөз қызметі 2027 жылғы Еуропа чемпионатының іріктеу кезеңіндегі Қазақстан мен Молдова жастар құрамалары арасындағы ойында жұмыс істеу үшін аккредитация алуға өтініштерді қабылдауды бастады.

БАҚ өкілдерінің аккредитация алу өтініштері келесі ақпаратты қамтитын хат түрінде қабылданады: тегі, аты, жеке куәлігін растайтын құжат нөмірі, байланыс деректері, сондай-ақ ресми бланкіде бас редактордың қолы және мөрімен расталған редакциялық тапсырмалар. Сондай-ақ әрбір БАҚ өкілінің функциясын көрсету қажет (жазушы журналист, фотограф, ТВ, радио).

Хаттарды баспасөз қызметінің press@kff.kz электрондық поштасына жіберу қажет.

Қазақстан U-21 және Молдова U-21 құрамалары арасындағы матч 17 қарашада Астана қаласындағы «Астана Арена» стадионында өтеді. Ойын 19:30-да басталады.

Аккредитациялар матч күні, ойын басталуға екі сағат қалғанда «Астана Арена» стадионында беріледі.