ҚФФ мен KMFF өзара ынтымақтастық туралы меморандумға қол қойды

09 қаңтар 2025, 19:28

Қазақстан футбол федерациясы (ҚФФ) мен Қазақстан медиа футбол федерациясы (KMFF) елдегі медиа-футболды дамытуға бағытталған серіктестік меморандумына қол қойды.

Меморандумға ҚФФ басқарушы директоры Қайсар Бекенов пен KMFF президенті Дидар Сыдықбек қол қойды.

Меморандумның негізгі тармақтарына елде футболды насихаттау, спорттық бастамаларды қолдауға бағытталған жобаларды жүзеге асыру, медиа-футболға қатысты регламенттер әзірлеп, іс-шаралар ұйымдастыру кіреді.

Тараптар бұл меморандум аясындағы бірлескен жұмыс медиа-футболды насихаттау, кең аудиторияны тарту және Қазақстандағы спорт мәдениетін нығайту жолында маңызды қадам болатынына сенім білдірді.