Премьер-лига клубтары UEFA BOARD жүйесінде қаржылық есепті сәтті тапсырды

18 сәуір 2025, 17:23

Фото: ҚФФ | Айбар Рысдәулет

17–18 сәуір күндері Қазақстан футбол федерациясының лицензиялау департаменті Премьер-лига клубтарының қаржы мамандарына арналған практикалық оқу-жаттығу өткізді. Семинар UEFA BOARD платформасына енгізілген жаңартулар мен есепті тапсыру талаптарының өзгеруіне байланысты ұйымдастырылды.

2022/2023 маусымынан бастап УЕФА іске қосқан BOARD жүйесі клубтардың қаржылық қызметін бақылауға арналған. Сол уақыттан бері Қазақстан Премьер-лигасындағы барлық клубтар жыл сайын осы платформа арқылы есеп тапсырады. Бұл — УЕФА аясындағы жарыстарға қатысу үшін міндетті лицензиялау талаптарының бірі.

Қазақстан Премьер-лигасы клубтары қаржылық есептерін дер кезінде әрі талапқа сай толтырып, УЕФА-ның клубтық лицензиялау бөліміне жолдады.