Қазақстан жастар құрамасы Актөбеде Англиядан жеңілді

09 қыркүйек 2025, 00:06

Фото: КФФ

Актөбеде 2027 жылғы жастар арасындағы Еуропа чемпионатының іріктеу аясыеда Қазақстан мен Англия жастар құрамалары кездесті.

Құрлық біріншілігінің қазіргі жеңімпазы ағылшындар ойынды қарқынды бастап, 18-минутта Нванери, 23-минутта Беллингем гол соғып үлгерді.

Алғашқы таймда қонақтар басым болғанымен, екінші кезеңде алаң иелері біраз сәттерде ойын тізгінін қолға алып, қарсылас қақпасына қауіпті соққылар жасады. Дегенмен нәтиже өзгермей, матч 0:2 есебімен Англияның пайдасына аяқталды.

Қазақстан U-21 – Англия U-21 – 0:2 (0:2)

Голдар: Нванери 18, Беллингем 23

08.09.2025. Ақтөбе, Қобыланды батыр атындағы стадион