ҚФФ Қазақстанның футзалдан студент қыздар лигасының кубоктарын таныстырды

30 қыркүйек 2025, 15:01

Назарбаев университетінде өткен ашық есік күні аясында QFSQL (Қазақстанның футзалдан студент қыздар лигасы) кубоктарының таныстырылымы өтті.

Іс-шараға 10 000-нан астам талапкер қатысты. Бұл студент қыздар арасында әйелдер футболын насихаттау және жастарды спорттық жобаларға тарту үшін маңызды жоба болды.

QFSQL – Қазақстан футбол федерациясы Қазақстан Республикасының Ғылым және жоғары білім министрлігінің қолдауымен жүзеге асыратын жыл сайынғы жобасы. Лига әйелдер футзалын дамыту мен студент қыздардың спорттағы мүмкіндіктерін кеңейтуге бағытталған маңызды платформа ретінде өзін танытты.

2025 жылғы маусым ойындары 4-7 қазан аралығында «Сайран Арена» спорт кешенінде өтсе, шешуші «Төрттік финал» кезеңі 8-9 қазанда Назарбаев университетінде ұйымдастырылады.