ҚФФ қызметкері Уәлихан Байтақов UEFA Venue Director лауазымына тағайындалды

01 қазан 2025, 15:53

Қазақстан ұлттық құрамасының матч-менеджері Уәлихан Байтақов 2025-2026 жылғы UEFA Конференциялар лигасы аясында армяндық «Ноа» клубының өз алаңындағы ойындарына UEFA тарапынан Venue Director (матч директоры) ретінде тағайындалды.

Лига кезеңі форматында «Ноа» өз алаңында келесі клубтарды қабылдайды: «Риека» (Хорватия), «Сигма» (Чехия), «Легия» (Польша).

Армениялық клубтың үй матчтары қазақстандық маманның қатысуымен өтеді.

Venue Director — бұл матчтың, әсіресе оның спорттық жағынан ұйымдастырылуына жауапты UEFA өкілі. Ол UEFA тарапынан Лига кезеңі мен еурокубоктардың плей-офф раундтарына қатысатын клубтардың матчтарына арнайы тағайындалады.