ҚФФ техникалық директоры UEFA Share халықаралық семинарына қатысты

УЕФА іс-шараны Уэльс футбол ассоциациясымен бірлесіп ұйымдастырды. Ол 16-20 ақпанда Уэльстің Ньюпорт қаласында өтті.

Семинарға Австрия, Болгария, Хорватия, Дания, Франция, Германия, Литва, Люксембург, Португалия, Словакия, Швеция, Уэльс және Түркия елдерінің ұлттық қауымдастық өкілдері қатысты.

Бұл қауымдастықтарға бапкерлер мен нұсқаушылар үшін заманауи біліктілікті арттыру (CPD) модельдерін дамытуға қолдау көрсету мақсатында ұйымдастырылды.Бұл үдеріс үздіксіз оқыту қағидаттарына және кәсіби рефлексия мәдениетіне негізделеді.

Бағдарлама аясында Геннадий Скуртул сессиялар өткізіп, еуропалық федерациялардағы әріптестеріне Қазақстандағы бапкерлерді даярлау жүйесін трансформациялау әдістемесімен бөлісті. Атап айтқанда, «талаптарды орындау» қағидатынан тұрақты оқыту мінез-құлқын қалыптастыруға және құзыреттердегі нақты өзгерістерге бағытталған модель таныстырылды.

«ҚФФ үшін UEFA Share бағдарламасына қатысу тікелей практикалық маңызға ие. Бұл – еуропалық озық тәжірибелерге қол жеткізуге, кәсіби серіктестер желісін нығайтуға және бапкерлердің біліктілігін арттыру жүйесін дамытуға мүмкіндік береді. Мұндай жүйе клубтар үшін ойыншыларды даярлау сапасының және ұлттық құрамалардың бәсекеге қабілеттілігінің негізгі элементі және осы бағыттың дұрыстығын растайды», деді Г.Скуртул.