17 жасқа дейінгі Қазақстан қыздар құрамасы Бішкекте өткен халықаралық турнирде топ жарды

21 шілде 2018, 21:51

Фото: Федерация футбола Кыргызской Республики

Қазақстан құрамасы «Үміт» халықаралық турнирінде екі ойында жеңіп, бір ойынды тең аяқтады.

Турнирдің соңғы ойынында Қазақстан құрамасы Тәжіктстан құрамасынан 4:0 есебімен басым түсті. Елдана Әйтімбетова екі гол соқса, Александра Бурова мен Ділназ Жәкішева бір-бірден көзге түсті.

Турнир қорытындысы бойынша Александра Бурова үздік қорғаушы, Елдана Әйтімбетова үздік сұрмерген атанды.

Еске сала кетейік, Қазақстан құрамасы алғашқы ойында Өзбекстанмен (1:1) тең түсіп, екінші кездесуде Қырғыз Республикасының құрамасынан (5:1) басым түсті.

Тәжікстан WU-17 - Қазақстан WU-17 - 0:4 (0:0)

Голдар: Әйтімбетова 47, 59, Бурова 74, Жәкішева 80.

Қазақстан: Оразбекова (Түймебаева 64), Әйтімбетова (Абылғазиева 87), Шолақова, А.Шалмұқанбетова (Сейіткереева 54), Ташмет (Мұқашова 74), Бурова, Иванова, Ф.Исмаилова, Кенжетай, Көпжанова, Махаматова (Жәкішева 46).

Аға жаттықтырушы - Орынбасар Дәуренбекова