Александр Кузнецов: «Жігіттер алаңда бар күшін салды»
– Барлық жанкүйерімізді жеңісімізбен құттықтаймын! Жігіттерге осы матч үшін алғыс айтқым келеді. Жігіттер жарады! Жаттығуда дайындаған тапсырмаларды орын, алаңда бар күшін салды. Дегенмен бұл топтық кезеңнің алғашқы ойыны. Әлі босаңсуға ерте.
Әрине, жігіттер бүгін барын салғаны үшін қуанғың келеді. Нағыз командалық ойын көрсетіп, өз мүмкіндіктерін пайдаланды. Өкінішке қарай, матч соңында қателесіп, қақпамызға пенальти белгіленді. Бірақ ең бастысы, ойынның жылдамдығы, құрылымы, жігіттердің тәртібі мен күш-жігері ұнады. Осылай жалғастырып, келесі ойынға дайындалу керек. Алаңда аз ойнаған футболшыларға ойын бабы бірдей болу үшін қосымша жүктеме береміз.
Ертең ойыншылар қалпына келетін күн. Сосын Нидерланд құрамасына қарсы матчқа дайындаламыз. Өте қарымды қарсылас. Словениямен өткен ойынын зерттейміз. Ендігі мәселе, ұйымдастыру жағынан бір қалыпқа келтіруіміз қажет. Әлі жұмысымыз көп. Бүгінге жеңісімізге қуанайық. Алға, Қазақстан!
