Александр Кучма: «UEFA Share семинарында көптеген жаңа әрі пайдалы ақпарат алдық»

08 мамыр 2025, 16:28

«Каспий» футбол клубының физикалық дайындық жаттықтырушысы Александр Кучма ҚФФ баспасөз қызметіне берген сұхбатында фитнес жаттықтырушыларға арналған үш күндік UEFA Share семинарынан алған әсерімен бөлісті:

«Ақпарат пен өзге бір салада даму тұрғысынан өте жақсы семинар өтті. Қазір физикалық дайындық бойынша мамандарды даярлап, оқытатын жұмыс тобы құрылатынын түсініп отырмын. Бұл жаттықтырушылар үшін жаңа дүние, бірақ өте қызықты. UEFA біздің федерацияға осындай лицензиялар беруді сеніп тапсырады деп үміттенемін. Үш күн ішінде көптеген жаңа әрі пайдалы ақпарат алдық, барлығы жоғары деңгейде өтті», – деді Кучма.