Қазақстан құрамасы жолдастық ойынға Беларуське есе жіберді

06 маусым 2025, 00:40

Фото: КФФ

Борисов қаласындағы «Борисов-Арена» стадионында Беларусь пен Қазақстан құрамалары арасында жолдастық матч өтті.

Әли Әлиев жаттықтыратын Қазақстан құрамасы бұл кездесуде 1:4 есебімен жеңілді.

Беларусь сапынан Валерий Громыко, Валерий Бочеров, Трофим Мельниченко мен Евгений Шикавка мергендік танытты. Қазақстан құрамасының жалғыз голын 74-минутта Ғалымжан Кенжебек соқты. Нәтижелі пас берген – Наурызбек Жагоров.

Қазақстан құрамасы келесі кездесуін 9 маусым күні өткізеді. 2026 жылғы Әлем чемпионатына іріктеу кезеңі аясында өтетін бұл ойында Қазақстан құрамасы Солтүстік Македонияны қабылдайды. Кездесу «Астана Аренада» сағат 19:00-де басталады.

Беларусь – Қазақстан – 4:1 (2:0)

Голдар: Громыко, 25; Бочеров, 31; Мельниченко, 50; Шикавка, 85 – Кенжебек, 74

Ескерту: Жұмаханов, 83

Беларусь: Павлюченко (қ), Карпович, Мартынович (к), Забелин, Прищепа, Корзун, Бочеров, Эбонг, Громыко, Шикавка, Мельниченко.

Қосалқы құрам: Лапоухов (қ), Игнатович (қ), Апетенок, Киреев, Лисакович В, Лисакович Р, Никифоренко, Пархоменко, Печенин, Пигас, Политевич, Седько, Яблонский.

Бас бапкер: Карлос Алос Феррер

Қазақстан: Покатилов (қ), Тапалов, Быстров, Малый, Әліп, Вороговский, Чесноков, Тағыберген (к), Қуат, Зуев, Самородов.

Қосалқы құрам: Шайзада (қ), Заруцкий (қ), Мұхамед, Жұмат, Астанов С., Жагоров, Жуков, Жұмаханов, Кенжебек, Төлеубай, Халматов.

Бас бапкер: Әли Әлиев

5.06.2025. «Борисов-Арена», Борисов