Қазақстан төрешілері Конференция лигасында матчтарында жұмыс істейді

06 шілде 2025, 15:00

Фото: Harald Dostal | SEPA.Media | Getty Images

УЕФА Конференция лигасы екінші іріктеу кезеңінің ойындарына екі қазақстандық төрешілер бригадасы тағайындалды.

24 шілде күні Болгарияның Кырджали қаласында өтетін «Арда» мен НСИ Рунавик (Фарер аралдары) / ХИК Хельсинки (Финляндия) арасындағы ойында Болат Сариев бас төреші қызметін атқарады. Қапталдағы төреші қызметіне Денис Лабашов пен Сергей Васютин тағайындалды. Қосалқы төреші – Арман Исмұратов.

Ал 31 шілдеде Крайовада өтетін «Университатя Крайова» (Румыния) мен «Сараево» (Босния және Герцеговина) арасындағы кездесуде Данияр Сахи бас төреші болады. Оның көмекшілері Самат Тергеусізов пен Евгений Бельский болмақ. Қосалқы төреші қызметін Георгий Чеховский атқарады.