Blind football-дан Қазақстан құрамасы Еуропа чемпионатының қола жүлдегері атанды

08 шілде 2025, 11:02

Blind football-дан (зағип жандарға арналған футбол) еліміздің ұлттық құрамасы алғаш рет Екінші дивизиондағы Еуропа чемпионатына қатысып, бірден турнирдің үздік үштігіне енді. Байрақты бәсеке Польшаның Краков қаласында өтті.

Бас бапкер Анатолий Антипиннің жетекшілігімен қазақстандық спортшылар қола медальды иеленіп, Францияда өтетін ЕУРО-2026-ның Жоғарғы дивизионына жолдама алды.

Турнирдің қорытынды үштігі:

1 орын - Испания

2 орын - Румыния

3 орын - Қазақстан

Қазақстан құрамасының ойын нәтижелері:

Румыния 4:1 Қазақстан

Қазақстан 8:0 Косово

Испания 7:0 Қазақстан

Қазақстан 2:0 Польша

Бұған дейін KFF-тің Youtube арнасында ұлттық құраманың капитаны Қанат Әкімбаев және Қазақстанда ЦП футбол мен Blind football-дың негізін қалаушы Шыңғыс Темірхановтың қатысуымен өткен «Футбол ДНК-сы» подкасты шығарылды. Толық шығарылым – сілтемеде.