Александр Кеплин УЕФА Жасөспірімдер Лигасының «Трабзонспор» – «ХИК» матчына делегат болып тағайындалды

01 қараша 2025, 16:38

Қазақстан футбол федерациясы сыртқы байланыстар және өңірлік қатынастар департаментінің директоры Александр Кеплин УЕФА Жасөспірімдер Лигасының чемпиондар жолы екінші кезеңі аясындағы «Трабзонспор» (Түркия) пен «ХИК» (Финляндия) арасындағы матчқа делегат болып тағайындалды.

Ойын 5 қараша күні сағат 20:00-де Трабзон қаласындағы «Шенол Гюнеш» стадионында өтеді.

Александр Кеплин – Қазақстан футбол федерациясының сыртқы байланыстар және өңірлік қатынастар департаментінің директоры. Ол 2018 жылдың наурыз айынан бастап УЕФА матчтарының делегаты болып келеді.

Айта кету керек, УЕФА делегаты – бұл матчтағы УЕФА-ның ресми өкілі. Ол ойын алдындағы ұйымдастыру жиындарын басқарып, ойыннан кейін баға береді және матчтың спорттық, инфрақұрылымдық және қауіпсіздік аспектілерін үйлестіру жұмысымен айналысады.