ПСЖ президенті Нассер әл-Хелаифи ҚФФ кеңсесіне келді

ПСЖ президенті Нассер әл-Хелаифи ҚФФ кеңсесіне келді

10 қараша 2025, 17:30
«Пари Сен-Жермен» футбол клубының президенті, УЕФА Атқарушы комитетінің мүшесі Нассер әл-Хелаифи Қазақстанға сапары аясында Қазақстан футбол федерациясының кеңсесіне келді. 

Ол ҚФФ президенті Марат Омаровпен кездесіп, Қазақстандағы футболдың дамуын, екіжақты ынтымақтастық мәселелерін және ықтимал инвестициялық әріптестік бағыттарын талқылады.

Сондай-ақ Нассер әл-Хелаифи Қазақстан футбол федерациясының музейіндегі ел футболының тарихына арнап қойылған экспозициялармен танысты. Кейін «Астана» және «Жеңіс» футбол орталықтарының тәрбиеленушілерімен кездесіп, естелік суретке түсті.

Бағдарлама соңында «Пари Сен-Жермен» президенті «Астана Арена» стадионынының инфрақұрылымымен танысты.

Бөлісу
Жоғары