Қазақстан U-21 - Англия U-21 ойындарына БАҚ өкілдерін аккредитациялау басталды

28 тамыз 2025, 10:20

Фото: ФК Кайрат

Қазақстан футбол федерациясының баспасөз қызметі 2027 жылғы футболдан Еуропа чемпионатының іріктеу кезеңінде Қазақстан мен Англияның жастар құрамалары арасындағы ойынға аккредитация алу үшін өтінім қабылдауды бастады

БАҚ өкілдеріне арналған аккредитация алу өтінімдері келесі мәлімет көрсетілген ресми хат түрінде қабылданады: журналистердің тегі, аты, жеке куәлік нөмірі, байланыс мәліметтері, бас редактордың мөрі мен қолы қойылған редакциялық тапсырма. Сондай-ақ әрбір БАҚ өкілінің матчтағы атқаратын қызметі (редактор, фотограф, ТВ, радио) нақты көрсетілуі тиіс.

Хаттар Қазақстан футбол федерациясының баспасөз қызметіне press@kff.kz электронды поштасы арқылы жолдануы қажет.

Қазақстан (U-21) және Англия (U-21) жастар құрамалары арасындағы матч 8 қыркүйекте Ақтөбе қаласындағы Қобыланды батыр атындағы стадионда өтеді. Сағат 20:00-де басталады.

Аккредитациялар матч қарсаңында бір күн бұрын Қобыланды батыр атындағы стадионда беріледі. Уақыты қосымша хабарланады.

Байланыс телефоны: +7 777 837 8487 (Данияр), e-mail: press@kff.kz