Сейілда Байшақов 75 жасқа келер еді

Сейілда Икрамұлы отандық футбол тарихында алаңда да, оның сыртында да айшықты із қалдырды. Футболшы мансабында жамбылдық «Энергетик» пен алматылық «Қайраттың» намысын қорғап, КСРО құрамасына шақырылды. Кеңес Одағы құрамасы сапында Мажарстан және Грекия құрамаларына қарсы кездесулерге қатысқан. «Қайратта» он жылдан аса ойнап, 296 матч өткізіп, 11 гол соқты.

Футболшы мансабын аяқтаған соң да футболдан қол үзбей, «Қайратта» бапкер болды. Қазақстан футбол федерациясында түрлі қызмет атқарды. Әр жылдары ҚФФ-ның вице-президенті әрі президенті міндетін атқарды.

Сейілда Байшақовтың ел футболының дамуына қосқан үлесі өлшеусіз. Оның есімі Қазақстан спорты тарихында мәңгі сақталады. Өкінішке қарай, 2023 жылы 73 жасында өмірден өтті. Футболға адал қызмет еткен қайраткердің артында жарқын ізі қалды.