Кристиан Карамбе: «Қазақстанда ФИФА академиясының ашылуы – үлкен артықшылық»

19 қыркүйек 2025, 16:08

Фото: КФФ | Никита Басов

Франция құрамасы сапында әлем және Еуропа чемпионы атанған, ФИФА аңызы Кристиан Карамбе Талғардағы ҚФФ академиясына ФИФА мәртебесінің берілуіне қатысты пікір білдірді.

«Өте жақсы әсер алдым. Іс-шараның осындай жоғары деңгейде өтеді деп ойламадым. Жас футболшыларға қазір олардың ерекше мүмкіндікке ие екенін айттым. Бұл мәртебе мен мұндай жағдай – үлкен артықшылық. Балаларға Қазақстан футболының болашақ элитасы болуына тамаша мүмкіндік ашылғанын жақсы түсінеміз.

Бірақ оған жету үшін жігіттерге күнде жаттығып, өзінің мықты нұсқасы болуы қажет.

Бұған қоса, балалармен күнделікті жұмыс істеп, олардың дамуына атсалысып жатқан адамдарға алғысымды айтқым келеді. Олар жергілікті футболдың дамуына орасан зор үлес қосып жатыр. FIFA таланттар академиясының басты мақсаты да – осы», – деді Карамбе.