Нуну Алешандре Паррейра де Каштру УЕФА Чемпиондар лигасының «Арсенал» – «Атлетико Мадрид» матчының инспекторы болып тағайындалды

20 қазан 2025, 17:28

Қазақстан футбол федерациясының төрелік және инспекция департаментінің директоры Нуну Алешандре Паррейра де Каштру УЕФА Чемпиондар лигасы топтық кезеңіндегі ағылшынның «Арсенал» және испанның «Атлетико Мадрид» клубтары арасындағы ойынға тағайындалды.

Ойын 21 қазаннан 22 қазанға қараған түні Лондондағы «Эмирейтс» стадионында өтеді. Басталуы – Астана уақытымен 00:00.

Футбол инспекторы – УЕФА-ның ресми өкілі саналады және төрешілер бригадасының жұмысына баға береді. Кездесу аяқталған соң, инспектор арнайы есеп дайындап, оны УЕФА-ның құзырлы органдарына жолдайды.