Қазақстан Olimpbet-Суперкубогы-2026 матчына аккредитация алу

05 ақпан 2026, 14:20

Қазақстан футбол федерациясы Olimpbet – Қазақстан Республикасының Суперкубогы 2026 жылғы маусымның ашылу матчына бұқаралық ақпарат құралдары өкілдерін аккредиттеуге өтінім қабылдауды бастайды.

Елдің қазіргі чемпионы алматылық «Қайрат» пен Қазақстан Кубогы-2025 иегері «Тобыл» командалары арасындағы ойын 28 ақпанда сағат 17:00-де Астана қаласындағы «Астана Арена» стадионында өтеді.

БАҚ өкілдерін аккредиттеуге өтінім хат түрінде қабылданады. Хатта журналистің тегі, аты-жөні, жеке басын куәландыратын құжат нөмірі, сондай-ақ байланыс деректері көрсетілуі тиіс. Сонымен қатар, матчта әрбір БАҚ өкілі атқаратын қызмет (жазушы журналист, фотограф, ТВ, радио) міндетті түрде көрсетілуі қажет. Өтінімдер 26 ақпан сағат 00:00-ге дейін (Қазақстан уақытымен) қабылданады.

Аккредиттеу хатын ҚФФ жарыстарды өткізу дирекциясының баспасөз қызметіне kffleaguee@gmail.com электронды поштасына жіберу қажет.

Қосымша сұрақтар бойынша kffleaguee@gmail.com электронды поштасына немесе +7 775 745 55 19 (Дастан Ғаббасов) WhatsApp нөміріне хабарласуға болады.