Футболдан Премьер-лиганың 12-тур матчтарындағы жекелеген ойын эпизодтарына түсіндірме

02 маусым 2026, 16:50

ҚФФ Төрешілік және қадағалау департаментінің директоры Нуну Алешандре Паррейра де Каштру Ойын ережелеріне сәйкес 2026 жылғы Премьер-лиганың 12-туры матчтарындағы кейбір ойын сәттеріне түсіндірме берді.

«Ертіс» - «Ұлытау»

47-минут. Айып алаңындағы жағдай қарастырылады. Доп үшін күрес кезінде қорғаушы сырғанап келіп, допқа таласады. Ол допқа тимегенімен, шабуылшыға да жанаспайды. Монитордан қайталап қарағаннан кейін шабуылшының қандай да бір байланысқа дейін құлай бастағаны анық көрінеді.

Қорытынды: пенальтидің күші дұрыс жойылды.

«Оқжетпес» - «Ақтөбе»

78-минут. Айып алаңындағы жағдай қарастырылады. Қақпашы секіріп, допқа ойнайды. Жерге түскен кезде ойын әрекетінің нәтижесінде шабуылшымен кездейсоқ соқтығысады. Бұл қалыпты ойын байланысы болды.

Қорытынды: ойынды жалғастыру туралы шешім дұрыс болды.

«Жеңіс» - «Каспий»

6-минут. Екі ойыншы да аяқтарын созып, допқа ұмтылады. Жоғарғы оң жақ камерадан алынған қайталаудан қорғаушының аяғы шабуылшыны шалмайтыны және оған тимейтіні анық көрінеді. Қалған байланыс қалыпты ойын күресінің бір бөлігі болды. Осы бұрыштан ойыншылардың аяқтары арасында ешқандай байланыс болмағаны анық байқалады.

Қорытынды: пенальти тағайындамау туралы шешім дұрыс болды.