Қазақстан әуесқой лигасы: BKS командасы чемпион!

08 қазан 2025, 18:10

Бүгін Талдықорған қаласы «Болашақ» стадионында Қазақстан әуесқой лигасының финалы өтті. Кубок үшін оралдық JelaevNAN және алматылық BKS командасы таласты. Ойын 2:2 есебімен ең түсіп, пенальти сериясында BKS командасы жеңіске жетті.

Қазақстан әуесқой лигасының ережесіне сәйкес, жеңіске жеткен командаға кәсіби футболға шығуға жол ашылады. Енді олар УЕФА Аймақтар Кубогында ел намысын қорғайды. Сонымен қатар, екі командаға 2026 жылғы Қазақстан Кубогы мен Екінші лигаға қатысу мүмкіндігі беріледі.

Айта кету керек, республикалық кезеңге аймақтық іріктеуден өткен 20 үздік команда (462 ойыншы) қатысты. Ал алғашқы кезеңде еліміздің 20 өңірінен 277 команда, яғни 6500-ден астам ойыншы сынға түскен болатын.