Қазақстан төрешілері Еуро-2027 іріктеу кезеңінің матчында қызмет атқарады

13 қазан 2025, 14:56

Қазақстандық төрешілер бригадасы жастар арасындағы 2027 жылғы Еуропа чемпионатының іріктеу кезеңі аясында өтетін Әзірбайжан мен Шотландия құрамалары арасындағы матчқа тағайындалды.

Бас төреші қызметін Саят Қарабаев атқарады. Оған отандастары Юрий Тихонюк пен Евгений Бельский көмектеседі. Төртінші төреші – Сәкен Байымбет. Ал төрешілердің жұмысына баға беретін бақылаушы – Молдова өкілі Александру Теан.

Кездесу 14 қазан күні Баку қаласындағы «Liv Bona Dea Арена» стадионында өтеді. Басталуы – жергілікті уақытпен 19:00-де.