УЕФА «A-Goalkeeper», «B-Goalkeeper» курсына тыңдаушыларды қабылдау басталды

Ниеттілер ҚФФ ресми сайтындағы «Техникалық орталық» бөлімінде тіркеліп, толық өтінім формасын толтырып, талапқа сәйкес барлық құжатты жүктеп, үміткерлер тізіміне ену үшін өтінім беруі тиіс.

УЕФА «A-Goalkeeper» лицензиясына қойылатын талаптар: 

• Үміткерде УЕФА-ның жарамды «Pro», «B» және «B-Goalkeeper» лицензиясы болуы тиіс;
• Үміткер УЕФА «B-Goalkeeper», «B», «Pro» лицензияларын алғаннан кейін, 11х11 форматындағы футболда қақпашылар бапкері ретінде кемінде бір жыл жұмыс тәжірибесіне болуы тиіс;
• Оқу курсына үміткердің дене шынықтыру саласы бойынша арнаулы орта кәсіби және жоғары білімі болуы қажет;
• Курстың ресми тілін (қазақ немесе орыс тілін) жазбаша және ауызша деңгейде жеткілікті меңгеруі тиіс;
• Тіркелу үшін барлық қажетті құжатты ұсынуы қажет: ойыншы және бапкерлік мансабы көрсетілген түйіндеме, жеке куәлік немесе паспорт көшірмесі; наркологиялық және психоневрологиялық диспансерден анықтамалар; сотталмағаны туралы анықтама;
• Футбол бойынша практикалық сабақтарға қатысуға денсаулығында қарсы көрсетілімі болмауы тиіс (денсаулық туралы анықтама);
• Курста үміткер ел аумағында тиісті деңгейдегі футбол құрылымдарының бірінде бапкер ретінде тұрақты практикалық қызмет атқару мүмкіндігіне ие болуы қажет,
• Басқа талаптар тең болған жағдайда, Қазақстан Премьер-лигасы клубтарының негізгі құрамында жұмыс істейтін бапкерлерге және Қазақстан ұлттық құрамаларының қақпашылар бапкерлеріне басымдық беріледі.

УЕФА «В-Goalkeeper» лицензиясына қатысуға қойылатын талаптар:

• Үміткерде УЕФА «С» санатындағы қолданыстағы лицензиясы болуы және оны алғаннан кейін кемінде алты ай қақпашылар жаттықтырушысы ретінде жұмыс істеуі тиіс;
• Арнайы орта немесе жоғары дене шынықтыру білімінің болуы, оқу тілін (қазақ немесе орыс) жеткілікті деңгейде меңгеруі талап етіледі;
• Қажетті құжаттар: түйіндеме, жеке куәлік немесе паспорт көшірмесі, наркологиялық және психоневрологиялық диспансерлерден анықтамалар, сотталмағандығы туралы анықтама; денсаулығында қарсы көрсетілім жоқтығы туралы анықтама;
• Оқу кезінде ел аумағында жаттықтырушы ретінде тұрақты практикалық қызмет атқару мүмкіндігі болуы міндетті.

Курстың өту форматы, құны және басталу мерзімі құжаттарды қабылдау аяқталғаннан кейін хабарланады.