Айжан Кенжина: «Әйелдер лигасы жаңа форматта өтеді»

27 сәуір 2026, 16:10

Қазақстан әйелдер чемпионатының ресми таныстырылымында кәсіби клубтар арасындағы жарыстарды ұйымдастыру дирекциясының спорт менеджері Айжан Кенжина алдағы маусымның ерекшеліктері туралы айтып өтті.

«Биылғы маусым отандық әйелдер футболы тарихындағы ең ауқымды әрі қызықты кезеңдердің бірі болмақ. Чемпионатқа 19 команда қатысып, лига екі конференцияға бөлінеді. А конференциясында – 9 команда, Б конференциясында – 10 команда ойнайды.

Командалар екі кезеңдік жүйе бойынша өзара кездесулер өткізеді. Одан кейін әр конференциядан 1 және 2 орын алған клубтар жартылай финал мен финалда чемпиондық үшін таласады.

Конференцияларға бөлу спорттық қағидат негізінде жүзеге асырылды. Басты мақсат – чемпионды анықтау ғана емес, сонымен қатар таланттарды шыңдайтын тұрақты кәсіби орта қалыптастыру», деді Аайжан Кенжина.