Қазақстан жасөспірімдер құрамаларының Еуро-2026 іріктеуінің кезеңіне арналған себеттер анықталды

08 желтоқсан 2025, 10:10

Фото: UEFA via Getty Images

10 желтоқсанда Ньон қаласында 2026 жылғы 17 және 19 жасқа дейінгі Еуропа чемпионаттарының іріктеу кезеңдерінің соңғы жеребелері өтеді.

17 жасқа дейінгі Қазақстан жасөспірімдер құрамасы бірінші раундтың нәтижесінде A лигасының екінші кезеңіне өтті. Дәл осы раундта Эстонияда өтетін Еeро-2026 финалына жолдама беретін жеті орын сарапқа салынады. Матчтар 2026 жылдың көктемінде өтеді.

Қазақстан U-17 құрамасы A лигасының екінші себетіне түсті.

A лигасы:
1-себет: Испания, Чехия, Бельгия, Германия, Исландия, Ирландия, Швеция
2-себет: Түркия, Франция, Португалия, Черногория, Словакия, Кипр, Қазақстан
3-себет: Аустрия, Шотландия, Греция, Хорватия, Италия, Сербия, Словения
4-себет: Норвегия, Польша, Дания, Румыния, Швейцария, Солтүстік Ирландия, Солтүстік Македония

Ал Қазақстан U-19 құрамасы A лигасының үшінші себетіне түсті:

A лигасы:
1-себет: Испания, Чехия, Италия, Англия, Германия, Украина, Хорватия
2-себет: Нидерланд, Австрия, Түркия, Франция, Португалия, Румыния, Дания
3-себет: Финляндия, Бельгия, Норвегия, Греция, Словакия, Польша, Қазақстан
4-себет: Швеция, Сербия, Солтүстік Ирландия, Латвия, Венгрия, Словения, Швейцария

Жеребе қорытындысы бойынша жеті топ құрылады. Әр топтың жеңімпазы Уэльс құрамасымен бірге Еуропа чемпионатының финалына өтеді. Элиталық раундтың мини-турнирлері 2026 жылдың 23-31 наурызы аралығында өтеді.