Қыздар арасындағы Umit League жарысының кестесі

Жаңа маусымда турнирге 18 команда қатысады. Географиялық қағида бойынша олар «Оңтүстік-Батыс» және «Солтүстік-Шығыс» атты екі конференцияға бөлінген. Әр конференцияда үш топтан бар.

Турнир қатысушылары:

«Оңтүстік-Батыс» конференциясы:

1-топ: «Тұран», «Қайсар», «Тараз»;

2-топ: «Қайрат», «Жетісу», «Ордабасы»;

3-топ: «Каспий», «Атырау», «Ақтөбе».

«Солтүстік-Шығыс» конференциясы:

1-топ: «Тобыл», «Қызылжар», «Ұлытау»;

2-топ: «Елімай», «Ертіс», «Алтай»;

3-топ: «Жеңіс», «Астана», «Шахтер».

Алдын ала кезеңнің күнтізбесі:

1-тур (14-19 мамыр): Ойындар Шымкент, Алматы, Ақтау, Қостанай, Павлодар және Астана қалаларында өтеді.

2-тур (12-18 маусым): Матчтарды Шымкент («Ордабасы» ФК базасы) және Семей қалалары қабылдайды.

3-тур (19-24 шілде): Турлар Ақтөбе және Өскемен қалаларында ұйымдастырылады.

4-тур (14-20 тамыз): Алдын ала кезеңнің қорытынды матчтары Қызылорда және Петропавл қалаларында өтеді.

Финалдық кезең:

Жарыстың шешуші туры 2026 жылдың 15-23 қыркүйек аралығына жоспарланған. Алдын ала ойындардың нәтижесі бойынша командалар келесі орындарды сарапқа салады:

1-6 орындар (жүлделі орындар үшін);

7-12 орындар;

13-18 орындар.

Umit League жобасын дамыту – ҚФФ-ның кіші жастағы қыздар арасында футболды насихаттау және дайындықтың ерте кезеңінде болашағы бар ойыншыларды анықтау жөніндегі бағдарламасының маңызды бөлігі болып табылады.