Ойын ережелеріне сәйкес Премьер-лиганың 19-турындағы жекелеген ойын сәттеріне түсіндірмелер

Оқжетпес – Елімай

10-минут – Қонақ команданың шабуылы кезінде шабуылшы №19 айып алаңына кіріп, қорғаушы №17-мен допқа таласады. Қорғаушы шабуылшының жейдесінен сәл ғана тартқанымен, бұл шабуылшыны құлатуға жеткіліксіз. Оның үстіне, қорғаушы тартуды тоқтатқаннан кейін де шабуылшы №19 тағы бір қадам жасап барып, әдейі құлады. Төреші ойынды жалғастыруды бұйырды.

Эпизод VAR жүйесінде тексерілгеннен кейін, араласудың қажеті жоқ деп танылды.
Төрешінің шешімі – дұрыс.

63-минут – Қонақ команданың шабуылшысы №19 айып алаңында қақпаға тура соққы жасайды. Оның алдында тұрған алаң иелерінің қорғаушысы №15 допқа тосқауыл қою мақсатында секіріп, денесін үлкейтеді, әрекеті қақпашының қозғалысына ұқсас. Келесі сәтте доп қорғаушының денесінен алшақ орналасқан сол қолына тиеді. Төреші эпизодқа жақын тұрған және жақсы көріп тұрған күйде, бірден пенальти белгіледі.

VAR жүйесі тексеріс жүргізгеннен кейін араласуды қажет деп таппады.

Төрешінің шешімі – дұрыс.

Қызылжар – Тобыл

19-минут – Стандартты жағдайдан кейін қонақтардың шабуылшысы №4 баспен қақпаға соққы жасап, доп қақпа сызығынан өтеді. Осы сәттен кейін, шабуылшы №7 (баспен соққы жасалған сәтте офсайдта тұрған) допқа тиеді. Бірақ бұл допқа тию қақпа сызығынан өткеннен кейін болғандықтан, төреші голды дұрыс санады.

VAR тексерістен кейін араласқан жоқ – бұл дұрыс шешім.

Төрешінің шешімі – дұрыс.

85-минут – Ұзын пас жіберілгеннен кейін қонақ команданың қорғаушысы №15 допқа баспен ойнауға секіреді. Арт жағынан алаң иелерінің шабуылшысы №15 жылдам қарқынмен жүгіріп келіп, жоғары секіріп, денесімен қарсыласының арқасына қатты соғылып, оны құлатады. Бұл – айқын дөрекі әрекет. Осыдан кейін ойыншы төрешіге қимылмен және сөзбен наразылық білдіреді. Төреші оған сары қағаз көрсетеді. Бұл ойыншының екінші ескертуі болғандықтан, ол алаңнан қуылады.

Алаңнан кетіп бара жатып, ойыншы төрешіге қарай ирониямен қол шапалақтап, тәртіпсіздік әрекетін жалғастырды.

Бұл эпизод IFAB протоколына сәйкес VAR араласатын жағдайға жатпайды, өйткені мәселе екінші сары қағазға қатысты.

Төрешінің шешімі – дұрыс.

Ақтөбе – Жеңіс

83-минут – Алаң шетінде допқа талас кезінде қонақтардың №19 ойыншысы әуеден ұшып келе жатқан допты күтіп тұрған. Доп жерге жетпей тұрып, алаң иелерінің қорғаушысы №5 қарсыласының арт жағынан секіріп, қолын пайдаланып, оны желкесінен ұрады. Бұл – допқа ойнауға тырыспай, қолды қауіпті әрі рұқсат етілмеген түрде қолданған анық бұзушылық. Төреші №5 қорғаушыға сары қағаз көрсеткені дұрыс шешім болды. Ал бұл ойыншы бұған дейін де ескерту алғандықтан, тікелей қызыл қағазбен алаңнан қуылды.

Бұл жағдай IFAB-тың VAR хаттамасына кірмейді, себебі бұл – екінші сары қағазға қатысты эпизод.

Төрешінің қорытынды шешімі – дұрыс.

Ордабасы – Атырау

2-минут – Қонақтардың айып алаңында №20 шабуылшы мен №37 қорғаушы қатарласа жүгіріп, допқа таласып жатты. Осы сәтте қақпашы қақпадан шығып, допқа талпынғанымен, қарсыласын шалып, оны құлатты. Төреші жағдайға жақын орналасып, эпизодты анық көріп, пенальти белгіледі – бұл дұрыс шешім.

VAR тексеруден кейін араласқаны дұрыс шешім.

Төрешінің қорытынды шешімі – дұрыс.

Жетісу – Тұран

36-минут – Бұрыштама добынан кейін доп қорғаушыға тиіп, қақпаға қарай бағытталды. Қақпа сызығының дәл үстінде №7 қорғаушы допты кері теуіп, қақпадан шығарып үлгерді. Төрешінің көмекшісі дұрыс позицияда тұрып, ойынды жалғастыруға белгі берді, бұл шешімді бас төреші де растады. Доптың қақпа сызығын толық кесіп өткенін дәлелдейтін бейнематериал жоқ.

VAR тексеруден кейін араласқан жоқ – дұрыс.

Төрешінің қорытынды шешімі – дұрыс.

86-минут – Доп үшін талас кезінде алаң иесінің №98 және қонақтардың №5 ойыншысы қатар жүгіріп келе жатты. Айып алаңының шетінде қорғаушы қарсыласын сол қолымен иығынан тартып, сол аяғымен оның оң аяғына тиіп, шабуылшыны құлатты. Бұл – айқын гол соғу мүмкіндігін шектейтін анық бұзушылық. Төреші қызыл қағаз көрсетіп, дұрыс шешім қабылдады.

VAR тексеруден кейін араласқан жоқ – дұрыс.

Төрешінің қорытынды шешімі – дұрыс.